港鐵 A cappella 義工隊 “MetroTones” 成立

好開心同大家分享，我哋True Colors Symphony最近與港鐵公司攜手合作，並聯同合作夥伴「圍唱音樂 Wai Sing Music」一齊完成咗一個無伴奏合唱（A cappella）義工培訓計劃！

🎶 經過一個半月嘅密集式訓練，一班港鐵義工喺5月30日首次登上舞台，雖然略帶緊張，但更滿懷熱誠，用真摯歌聲完成首場 A cappella 演出 ，成為「鐵路人・鐵路心」義工周年聚會暨嘉許典禮嘅開場表演團隊！

呢支新成立嘅A cappella 團隊MTR MetroTones即將展開社區服務旅程，走入不同社區，以音樂傳遞關愛與正能量。

衷心感謝港鐵公司嘅信任和支持，亦多謝「圍唱音樂 Wai Sing Music」導師團隊嘅專業指導，讓我哋可以一齊見證MTR MetroTones嘅誕生。

呢個計劃亦體現 True Colors Symphony 一直堅持嘅信念 — 以音樂連結社群、推動共融，同時為更多人創造參與、服務及表達自我嘅機會。未來，我們會繼續與港鐵及不同夥伴攜手合作，讓音樂走進更多社區角落。

---